ကိုယ်တကယ်ကို စိတ်ပင်ပန်းတဲ့ အခါတိုင်း
ကိုယ် စိတ်ညစ်နေရတဲ့ အကြောင်းလေးတွေ
ရင်ဖွင့်ချင်လို့ ကိုယ်ယုံကြည်ရတဲ့ သူတစ်ယောက်ကို
အမြဲရှာလေ့ ရှိတယ် ။
'' ဘာလို့ စိတ်ညစ်နေမှာလဲ အဆင်ပြေအောင်နေလို့ ''
လွယ်လွယ်လေး အပြောခံလိုက်ရတာထက်
ကိုယ်ဖြစ်နေတဲ့ ပြဿ နာရဲ့ အရင်းခံကို
သေသေချာချာလေး နားထောင်ပေးရင်း
နှစ်သိမ့်ပေးချင်ခဲ့တာ ။
အဲ့ဒါလေးက ကိုယ့် ဒဏ်ရာတွေကို ပိုသက်သာစေတယ်။
ဖြစ်နိုင်ရင် ကိုယ်က ဘာမှမခံစားရသလို
ဟန်ဆောင်ပြီး တစ်ယောက်ထဲ စိတ်ညစ်နေရတာမျိုး
မလိုချင်ဘူး ။
အရမ်းမွန်းကြပ်ပြီး ပင်ပန်းလို့ ။
ဒါ့ကြောင့် ကိုယ့်ရဲ့ ခံစားချက် ပြဿ နာတွေ အားလုံးကို ယုံကြည်စိတ်ချရတဲ့ လူ တစ်ယောက်စီမှာ
အမြဲတမ်း ရင်ဖွင့်လေ့ရှိပါတယ် ။
အနည်းဆုံးတော့ ကိုယ့်ရင်ထဲက
မကျေနပ်တဲ့ အစိုင်အခဲတွေ ကျေပျောက်သွားစေတယ်။
မဖောက်ထုတ်နိုင်ပဲ မြိုသိပ်ထားရတဲ့
ခံစားချက်တွေကို သက်သာစေတယ် ။
တစ်ကယ်တော့ ရင်ဖွင့်လိုက်တယ် ဆိုတာ
ခံစားနေရတဲ့ ခံစားချက်တွေကို တစ်ဝက်လောက်တော့
သက်သာစေတယ်လေ။
ရင်ဘတ်ချင်း ပေါင်းလို့ရတဲ့သူဟာ လူတိုင်းမှာ
တစ်ယောက်မဟုတ် တစ်ယောက်တော့ ရှိပါတယ် ။
အဲ့ဒီ့သူဟာ ကိုယ့်ရဲ့ မိဘလည်း ဖြစ်နိုင်သလို . . .
ကိုယ့်ရဲ့ အချစ်ဆုံး သူငယ်ချင်း . . .
ကိုယ့်အပေါ် နားလည်ပေးနိုင်တဲ့
ချစ်သူလည်း ဖြစ်ချင် ဖြစ်နေနိုင်တယ်။
စိတ်ညစ်ရတဲ့အခါတိုင်း (ဒါမှမဟုတ်)
ပြဿ နာတွေ ကြောင့် စိတ်တွေ ရှုပ်ထွေးပြီး
ထွက်ပေါက်တွေ ပျောက်နေတဲ့ အခါတိုင်း
ကိုယ်ယုံကြည်ရတဲ့ ရင်ဖွင့်ဖော်ကို ရှာစေချင်တယ် ။
အဲ့ဒီ့သူဟာ ကိုယ်ယုံကြည်ရတဲ့သူ ဖြစ်ပြီး
ကိုယ့် အားနည်းချက်တွေကိုလည်း တက်နင်းချေမဲ့သူ
မဖြစ်ဖို့တော့ လိုတာပေါ့ ။
အဲ့ဒီ့သူဆီမှာ ကိုယ်တို့ မကျေနပ်တာတွေကို
ပြောရင်း ပေါက်ကွဲပစ်လို့ရတယ် ။
စိတ်ညစ်နေရတဲ့ အကြောင်းတွေကို
ပြောပြရင်း သူ့ဆီက အကြံဥာဏ်တွေလည်း
ယူလို့ရသေးတယ်လေ ။
သူဟာ ကိုယ့် စိတ်ကို အကောင်းဆုံး နားလည်ပေးပြီး
တင်းကျပ်မှုတွေကို ဖြေလျော့ပေးနိုင်တယ် ။
ဒါ့ကြောင့် သူဟာ ကိုယ့်ကိုယ် နှစ်သိမ့်ပေးနိုင်တဲ့
နေရာဒေသလေး လို သတ်မှတ်လို့ရပါတယ် ။
မွန်းကြပ်မှုတွေကို ပြေပျောက်စေဖို့အတွက် လူတိုင်းမှာ
ရင်ဖွင့်ဖော်ဆိုတာ လိုအပ်ပါတယ်။
Credit to ®ခဲတံ®