၁။ အပြုံးဆိုတာ
ငွေကြေးမကုန်တဲ့
သဘာဝ အလှပြင်နည်းပါ။
၂။ သည်းခံခွင့်လွှတ်ခြင်းဆိုတာ
ငွေကြေးမကုန်တဲ့
စိတ် အလှပြင်နည်းပါ။
၃။ ရိုးသားမှုဆိုတာ
ငွေကြေးမကုန်တဲ့
ကိုယ်ကျင့်တရား အလှပြင်နည်းပါ။
၄။ ဆုံးဖြတ်ချက်ဆိုတာ
ငွေကြေးမကုန်တဲ့
ခြေလှမ်းတွေ အလှပြင်နည်းပါ။
၅။ နှိမ့်ချပြီးနေတယ်ဆိုတာ
ငွေကြေးမကုန်တဲ့
ပေါင်းသင်းဆက်ဆံရေး အလှပြင်နည်းပါ။
၆။ အမှန်တရားကို လက်ခံတယ်ဆိုတာ
ငွေကြေးမကုန်တဲ့
အတ္တမာနတွေ အလှပြင်နည်းပါ။
၇။ နားလည်မှုဆိုတာ
ငွေကြေးမကုန်တဲ့
ဦးနှောက်အသိဥာဏ် အလှပြင်နည်းပါ။
၈။ သစ္စာတရားဆိုတာ
ငွေကြေးမကုန်တဲ့
ယုံကြည်မှု အလှပြင်နည်းပါ။
၉။ ကိုယ်ချင်းစာစိတ်ဆိုတာ
ငွေကြေးမကုန်တဲ့
မေတ္တာနှလုံးသားလေး အလှပြင်နည်းပါ။
၁၀။ အကောင်းမြင်စိတ်ဆိုတာ
ငွေကြေးမကုန်တဲ့
ဘဝ အလှပြင်နည်းပါ။✅
အပြင်က ရွှေမှုံကျဲ၊ အတွင်းက ရွံရုပ်ခံလို့ ဘဝက မလှပါဘူး။ မျက်နှာကို ပကာသနချယ်သနေရင်း စိတ်ဓာတ်ကိုလည်း သနပ်ခါး ခပ်ပါးပါးလေး လူးပေးပါ။ ငွေကြေးအကုန်ကျခံပြီး မွမ်းမံနေတဲ့ အပြင်အဆင်းသဏ္ဌာန်ထက် အတွင်းစိတ်ကို ပိုပြီး အလှပြင်ပေးပါ။✅
သေမှ ပုပ်မယ့်ရုပ်ထက် မသေခင်ပုပ်တတ်တဲ့ စိတ်ကို ငွေကြေးမကုန်ပဲ ဘာလို့ အလှမဆင်နိုင်ရမှာလဲ?။ စိတ်ကောင်းရင် စေတနာကောင်းမယ်၊ စေတနာကောင်းရင် ကံကောင်းမယ်၊ ကံကောင်းလာပြီဆိုရင် ငွေကြေးအကုန်ကျခံပြီး ပေါင်းတင်စရာမလိုပဲ ဘဝနဲ့ခန္ဓာကိုယ်ရုပ်ရည် အမှန်တကယ် လှပလာမှာ အသေအချာပါပဲ။🤍
#credit:
မေတ္တာဖြင့်
အရှင်ဝိသုတ (ညောင်တုန်း)
မျှဝေပါသည်။